Quantcast
Channel: Penjurai Apaienduq
Viewing all 46 articles
Browse latest View live
↧

SK Ulu Engkari

August 2, 2012, 7:26 pm
$
0
0

SK Ulu Engkari enda jauh, ari ulu Rh. Jaong, kira pejalai kaki antara 20 - 30 minit. Jalai darat nembiak sekula seigi meruan tang maya sungai Engkeramoh bah, bala nembiak semina nurun ke sekula di anjung apai indai ngena perau. Tang diatu, penanggul nya kira udah teputar laban di bantu ITTO nengah sida Jabatan Hutan ngagai projek nya ka penguntung orang di menua pesisir.

Pekara pasal sekula tu,  enda tentu chukup silik temu laban nadai peluang berandau enggau bala cikgu, sida ia benung bejalai ka aktiviti general cleaning maya kami sebuat nemuai kia. Tang taja pia sekeda info ti di padah ka Guru Besar maya ti berandau ngerampas, sekula nya jarang/nadai kala di lawa temuai tau pemesai ari opis-opis perintah.

Nya kebuah bala nembiak sekula sereta apai indai sida ti ngelingi SK Ulu Engkari amat beguna ka "exposure" kena sida iya muka mata enggau runding nambah ka pengeransing sida iya nuju pemandai. Kira minta di motivate meh tudah sida iya.

Sinu ga ninga tudah Guru Besar ngenatai ka sebana utai ti munyi nya, nyau muka mulut ga pangan diri, kena ngelubang ka iya jalai. Kelimpah ari nya, nyau enda chechamang ga tudah pangan diri ngenatai ka sebana ari tudah Guru Besar nya ngagai Kaban Parliament Lubok Antu, YB William Nyallau sepengudah pengawa ti bejadi ka Sistem Tagang.


Peniki ngagai SK Ulu Engkari


Peluang berandau ngerampas enggau Guru Besar seduai Pemesai ari Opis Betanam Tom Sumok maya ti nemuai ngagai SK Ulu Engkari


Sekeda nembiak ba asrama SK Ulu Engkari, mantai ka tuchum taja empai nemu pengujung pejalai pengidup jemah ila.  Giga meh chara mantu sida tu, awak ka sida ia mansut ka diri ari penyeranta di ulu sungai/menua pesisir



Bala nembiak SK Ulu Engkari ti aus ari berita dunya luar, minta suah agi temuai datai ngiring sida nuju pemandai, pia jaku ari Guru Besar



 cda

↧
Search

Gotong Royong SK Jalan Arang

August 4, 2012, 4:54 am
$
0
0
SK Jalai Arang udah mujur amat ngatur pengawa gotong royong kena 23.6.2012 pagi hari Enam. Taja pan kiruh pengawa bukai, limpang mega ngulu gotong royong laban deka "mandang ka mua mata, awak ka semampai di kelala bala cikgu dia, aku tu meh apai, sanu anak sanu". Ha ha ha ukai jai runding nya deh bala cikgu, tang ngicha ka anak diri semak enggau kita. 

Ayos ti bendar amat ngansak apai iya mesti datai "guntung runyung", surat beri cikgu enda tau enda, pia kenu ko iya, nyau ransing ga tudah pangan nurun pagi nya, tambah mega bala cikgu SK Jln Arang nya friendly magang mina seiku dua aja ti enda bekelala.

Ngenatai ka pengaga ati ngagai Komiti Pengatur pengawa Gotong Royong SK Jalai Arang lebih agi Cikgu Kisun seduai Guru Besar ti di peda kiruh amat ngatur pengawa pagi nya.


Cikgu Kisun Kimbun benung meri penerang ka aktiviti gotong royong


Bala apai indai benung rejister taja pan nyau udah laun ari jam ti di letak ketegal cikgu ti mai list nya laun datai ari apai indai nembiak


Guru Besar Cikgu Thalasa Umi meri jaku pengelalu ngagai semua apai indai


Seiti ari kerja gotong royong - ngupas parit besai


cda
↧
↧

SEC SDNU Installation and Dayak Golf Tournament Dinner

August 13, 2012, 11:54 pm
$
0
0

Serambau enggau Gawai 2012 tu tadi, Komiti Besai SDNU bagi 2012-2015 ti betuai ka President SDNU, YB Tan Sri William Mawan ti lalu nyadi Menteri Pemansang Sosial Sarawak udah mujur ngatur pengawa angkat sumpah mangku pengawa ba mua YB Dato Sri Douglas Ugah Embas Menteri Sumber Asli Malaysia.

Kena 16/6/2012, pengerami makai serambau enggau angkat Sumpah Mangku Pengawa Komiti Besai SDNU ti udah di pilih kena 7/4/2012.  Pengerami nya di gulu bala kaban belayan ti main golf ti datai ari jauh enggau semak ari Kota Kinabalu, Labuan, Johor Baharu, Kuala Lumpur, Trengganu, Miri, Bintulu, Sibu, enggau Kapit kelimpah ari raban SDNU di Kuching ti ngemenuh ka kira 85 iti meja. Ari sukung bala mayuh ngagai SDNU, nya alai meja 20 iti ambis di jual enggau rega RM2,000.00 kelimpah ari rega RM750.00

Serebak enggau pengerami nya, SDNU mega terubah ngatur Pekit Main Golf di kena ngerami sereta ngiga belanja. Ari Pekit Golf duit ulih gumpul kira sepenyampau RM16,000.00 lalu kelimpah ari nya, sehari sebedau pengerami nya, bala komiti Besai SDNU mega mujur ngumpul kira RM35,000 wang sponsor ka Golden Voice.


Supreme Executive Committee Members SDNU (2012-2015)


 YB Tan Sri William Mawan


 Bala members Supreme Executive Committee SDNU


 Meja bala VIPs


YB Tan Sri William Mawan ngenatai ka tanda pengingat ngagai YB Dato Sri Douglas Uggah Menteri Sumber Asli Malaysia ti nyadi GOH malam nya


Tan Sri William Mawan Golf Championship Challenge Trophy


 Nerima tanggung pengawa nyadi Vice President 1 SDNU ari YB Dato Sri Douglas Uggah


 Dr. Elli Luhat seduai Jonathan Bangau



Tan Sri William Mawan begulai enggau bala pengajar Cikgu Mabong sereta bala bukai


Raban SDNU ari Sarikai betuai ka Pn Rossie Jita


 Bapak Agustinus Clarus bersama 3 rakan pemain golof dari Pontianak turut menyertai Perlumbaan Golof President SDNU 2012


 Mr. Thomas Tegong Laka ari Waifm Iban benung ngenatai ka berita pekit main golf terus ari Kelab Golf Unimas


Banner tisi jalai


SDNU President Challenge Trophy (Golf 2012)


cda



↧

Peransang Pelajar ka Bala Anak kaban SIDS

August 22, 2012, 12:45 am
$
0
0
Kenyau ari taun 1983, SIDS udah meri peransang pelajar ngagai bala anak serakup. Meri puji ngagai semua Komiti SIDS laban ti nyedia ka belanja ti besai meri peransang pelajar ninting taun. Ninting taun jangka ka enda kurang ari RM10,000.00 di ungkup ka ngagai peransang pelajar. Bala nembiak anak kaban SIDS ti nyulut aja bisi peluang nerima peransang tu. Ngenatai ka pengaga ati mega ngagai bala nembiak ti nyulut, lalu pengaga ati mega ngagai apai indai kita ti sama meri peransang kita mujur ba sekula.
 
Belanja ti mayuh nya tentu mega datai ari bantu bala pengari/YB sereta ari opis-opis perintah sereta kompeni luar ti bisi penyiru ngagai SIDS. Kitai berterima kasih mega ngagai orang ti meri belanja nya, arap ka sida enda ngetu meri taun dudi ila, awak ka bisi dikena SIDS ngadu ka pemansang pelajar sekula ka sekeda anak Dayak.

Nya alai bala bukai, ti indu ti ukai kaban SIDS, anang berunding dua tiga kali meh, masuk meh nyadi kaban SIDS awak ka lalu nyadi kaban SDNU. Kebuah pia, nya seiti ari jalai kitai begulai bekunsi ka penemu enggau bebagi ka pengeliat ati mantu anak kitai mujur ba sekula. Kitai begempung ngena SIDS dalam SDNU mega tau amat meri kitai peluang ngereja pengawa begulai ti tau nguntung ka bansa enggau menua, sema jaku ngelama tu bisi penemu pechah dua pechah tiga, nya ukai tegal SDNU tauka SIDS tang mensia ti di kearap nyadi tuai dia ti mai pechah belah pambar pepar.

Serempak enggau pengawa meri peransang pelajar sehari nya, SIDS mega bisi ngatur Ceramah Motivasi Pelajar ngagai bala nembiak ti ba Pom 3, Pom 5 enggau Pom 6. Dr Dusit Jaul ti nyadi President SDGA seduai Cikgu Jemali Sunang ngenatai ka jaku peransang ka bala nembiak.


YB Datuk Alexander Nanta Linggi begulai enggau Komiti SIDS


Mr. James Chabu nerima peransang pelajar ngari ka anak tunggal seduai iya Dr. Lullie Melling


YB Datuk Alex Nanta ti nyadi temuai begulai enggau raban Komiti Besai SIDS serta penceramah Dr. Dusit Jaul seduai Cikgu Jemali Sumang


Bala kaban SIDS ari mayuh pampang/Unit di Kuching


Sekeda temuai ti bisi datai ngulu pengawa meri peransang pelajar ngagai anak kaban SIDS


Pekara ti di bantai Dr. Dusit Jaul


cda
↧

Niri Tiang Pemun Rumah Baru Rh. Wilfred Abit Ng Pek

September 9, 2012, 6:28 pm
$
0
0
Ngenatai ka pengaga ati ngagai bala sida Rh Wilfred Abit serurmah laban ti mujur ngadu ka Tiang Pemun rumah baru sida ia kena pagi 20/8/2012 tu tadi. Pengerami bejadi ka Tiang Pemun enda ga besai tang chukup meh nyadi ka Cherita Lama (Record/history) rumah panjai Nanga Pek kena nambah ba Cherita Lama ka rumah asal nya ti di gaga sebedau taun 1957 suba.

Mayuh bala kaban belayan datai, meri bantu tulang enggau pengawa nyedia ka pelasar tiang rumah baru. Nasib amat ga sida serumah tu bisi dua tiga iku nembiak ti bisi penemu Engineering enggau Architecture ulih mantu ari mula planning ka tapak baru rumah nya. Enggau bantu sida nya, mayuh amat utai ulih adu ngena chara bekelimat ba belanja.

Rh Wilfred Abit udah ngelanggur deka ngaga rumah baru kenyau ari kira 2007 suba, nya alai belabuh ari taun nya, sekayu rumah lalu nyedia ka FUND rumah baru. Kelimpah ari bantu perintah ngena MRP, sida serumah mega bisi atur ngisi fund, bebayar ninting bulan.

Komiti Berumah betuai ka En. Morris Unong, seiku Kepala Pengajar ti dulu, chukup bebendar ngatur pengawa ari pun 2007 suba sampai ka pengawa niri ka Tiang Pemun kena pagi 20/8/2012 tu tadi.


 Rumah lama agi regah-regah taja pan di diri sebedau taun 1957, semina ruai enggau tanju udah di rerak meri awak nyungkur tapak rumah baru


 Nunjuk ka pengaga JKKK Rh Wilfred Abit ngelalu ka penatai bala mayuh


 Ngelubang alai pun tiang ba tapak rumah baru


 
 Besaup ngelubang alai pun tiang ba bilik diri empu


 
 Mr. Unjil E Tawi mega ngulu ka bala besaup ngelubang alai pun tiang pemun


 Father benung sembiang merkat tiang pemun bilik TR Wilfred Abit


 Father, merkat ka alai lubang tiang pemun bilik Sintau Ak Seman


 
 Ayos mega enda tinggal sembiang ka tapak bilik Aki iya Sintau Ak Seman


 Father benung sembiang berkat ka tapak tiang pemun bilik Thomas Kana


 Ayos enda lembau taja jam 7.00 pagi begulu enggau sembiang ka tapak tiang rumah baru


 Apai Jang seduai Apai Renya negap ka tapak tiang Pemun bilik Sintau Ak Seman


 Chara ngelurus ka besi tulang tiang


Ayos mandi ai Rimbas taja pan orang agi kiruh besemin ka tapak tiang rumah


 Apai Sidi nyadi tukang gerah mai besedia ka piring jam 4.00 pagi


 Piring ka bilik Nuga Ak Majat


 Tapak tiang pemun bilik Nuga Ak Majat


Mr. Balang


 Mr. Bangga mega bisi datai ari Miri


 Mr & Mrs Robin datai ari Kuching


 
 Enduq seduai Mum enggau Ibu, Indai Jen mega sama meda pengawa miring tumu pagi


Tu gaya posing tumu pagi begulai enggau Uchu Dungging Ak Gunggu ari Ng Ulai

cda
↧
↧

Sarawak Olympians di rami SDNU

September 26, 2012, 12:26 am
$
0
0
Ngenatai ka pengaga ati ngagai 3 iku bala anak Dayak ti manggai ka diri ngagai peringkat Olympic Endun Pandelela Rinong, Endun Tracey sereta Igat Bryan.

Sempat enggau makai lemai rami gaga ka sida tiga tu kena lemai 28.9.2012 tu kemari ti berchairman ka YB Datuk Alexander Linggi ti nyadi Sapit President SDNU.

Pengerami nya di atur SDNU ti terubah amat, lalu ngangau ka bala pemesai Dayak ti betuai ka Sapit Kepala Menteri Sarawak, Yang Berhormat Datuk Patinggi Tan Sri Dr. Alfred Jabu Ak Numpang ti lalu nyadi Patron pengerami malam nya.

Ba pengerami nya, SDNU ngenatai ka pengaga ati enggau peransang RM35,000 (Pandelela), RM10,000 (Tracey) serta RM10,000 (Bryan) ti di kenatai ka President SDNU Tan Sri William Mawan Ikom. Sama ngulu pengerami malam nya mega apai enggai indai sida iya 3.

Bala pemesai bukai ti bisi datai YB Datuk Michael Manyin, YB Robert Lawson Chuat, YB. William Nyallau enggau YB Dr. Johnical Rayong kelimpah ari bala tuai-tuai opis perintah ti bansa Dayak.


 Dayak Olympians disambut enggau basa ti besai


Bala Olympians disambut ngena basa ti besai


Bala Olympians baru datai

Pandelela nerima RM35,000.00 ari President SDNU


Datuk Patinggi Tan Sri Alfred Jabu begulai enggau bala Olympians


Cornellius seduai Christopher enda muai peluang begambar enggau 3 Olympians


En. Alex Unya, Anthony Banyan, Endun Tracey enggau En. Crisologo


Ayan ba Borneo Post 30/8/2012


Ayan ba Utusan Borneo 30/8/2012


Ayan ba Utusan Borneo 30/8/2012

cda
↧

TYT Birthday ba Miri

October 1, 2012, 10:27 pm
$
0
0
Dalam pengawa ti kiruh ke ulu ke ili, bisi ga alai ngelimpang ka diri ngabas bala kaban ti jauh. Ukai nya suah ti bisi peluang ngulu pengerami nyambut pengada TYT, nama agi deh pengada TYT ti ke 91 ba Miri. Apu neh ngarap ka TYT kitai nya terus gayu sereta agi terus regas meh.

Pengerami TYT nya kemari, ba Stadium Miri, enda kurang ari 96 kontingen ari parti Politik, NGO, Kompeni enggau sekeda Kelab sama bisi enggau berbaris. 

Pasukan ari Land & Survey menang ba kategori Opis Perintah, raban dalam kategori NGO, sida SDNU ti betuai ka En. Ganchai Jinta udah teulih ka penduduk ke tiga.

Ngenatai ka pengaga ati meh ngagai Unggal Donny Joseph laban ti kiruh amat begiga ka pengari SDNU ti bisi ngepan pupu raban bansa - Iban/Bidayuh/Kayan/Kelabit/Lun Bawang. Kira ke enda ga lebu tudah ti ngena ngepan laban SDNU bulih No. 3 taja pan nadai peluang mayuh belatih bejalai/berbaris.


Trophy & Certificate for SDNU

Raban SDNU


Raban SDNU (Pampang SIDS Miri)


Raban Dayak Association Miri (DAM)


Bala Penonton udah lelak bepanas


Kaki tumpang ngibun certificate & trophy aja !!


Bala penonton


Agi tumu pagi


Kontingen DBNA

cda
↧

Ceramah Motivasi Pendidikan di SMK Sebauh

October 24, 2012, 7:03 pm
$
0
0

PIBG SMK Sebauh udah mujur ngatur Ceramah Motivasi ngagai nembiak sekula ti Pom 5 enggau Pom 3 sereta apai indai nembiak kena ka 14/9/2012 tu tadi.

Pengawa nya di atur PIBG lalu di bantu SDNU begiga ka penceramah ti volunteer ngenatai ka diri. Kira 350 nembiak enggau 50 apai indai ti bisi datai.

SDNU nganjung 3 iku penceramah Dr. Gluma Saban, seiku ari Lecturer ba UiTM Samarahan, Cikgu Mabong Unggang, seiku ari pengajar ti ngembuan peneleba ba SMK Wira Penrissen sereta Vice President 1 SDNU, Anthony Banyan.

Dr. Gluma Saban bekunsi enggau bala nembiak pasal pekara nampung pelajar ba alai ke tinggi kelimpah ari meri penerang pasal pemutus peresa ba Pom 5 enggau pom 6, sereta mata pelajar ti di kena nipak kursus peringkat Diploma enggau Degree.

Cikgu Mabong bekunsi enggau bala nembiak, bakani sida ia ulih belajar ngena jalai landik/SMART ukai semina bendar ngulih ka pemutus peresa ti manah. Ia mega bekunsi ngagai bala nembiak ka peneleba ia nyedia ka diri sebedau peresa udah nya nyedia ka diri milih kursus nampung pelajar ngagai peringkat ke tinggi.

Ba Ceramah Motivasi Pelajar nya, Anthony Banyan bekunsi ka  peneba ia nyadi nembiak sekula ti datai ari rumah panjai di menua pesisir ulih mega ngemansut ka diri nitih ka pemansang sekula ngulih ka degree kelimpah ari bekunsi ka enggau bala apai indai nembiak "Tanggung Pengawa kitai ti apai indai" ngiring bala anak ngulih ka pemutus peresa ti manah ba UPSR, PMR enggau SPM.

Taja pan program Ceramah Motivasi nya semina di gaga pagi aja, tang bala nembiak sempat mega bepeda ka Mini Pameran, pekara ti besangkut paut enggau pemansang pelajar sekula ti udah enggau ti bedau nyadi.

Ba jaku pengelalu Pengetua, En. Entalai Mambang, ia meri besai terima kasih ngagai bantu duit ari YB Datuk Dr. Stephen Rundi ngagai PIBG. Ceramah Motivasi Pendidikan tu di kena muka mata enggau pending bala nembiak ti deka ngambi peresa, nya alai pekara tu PIBG enggau sekula endang patut di ngaga ninting taun dikena mantu nembiak maju enggau mujur ba peresa.

Ngenatai ka pengaga ati ngagai PIBG SMK Sebauh laban ti udah mujur ngatur pengawa ti chukup amat beguna ka bala nembiak, alai sida ia ngiga penemu baru sereta alai muka runding sereta perening ti jauh agi di kena ngulih ka pemujur diri empu, bansa enggau menua.



Pengetua SMK Sebauh En. Entalai Mambang


Dr. Gluma Saban, Penceramah, seiku ari Pensyarah ba UiTM Sarawak



Sekeda ari nembiak lelaki


Nembiak benung ninga ka ceramah


Cikgu Entalai, Cikgu Usop Gani, Kelvin Ensan (Engineer ari Bakun Hydro) berandau enggau bala kaban PIBG


En. Anthony Banyan, Cikgu X, Cikgu Mabong Unggang, Dr. Gluma Saban, Cikgu Entalai Mambang enggau Cikgu Usop Gani


 Kelvin Ensan - Seiku ari nembiak ti nyadi Engineer ba Bakun Hyrdo Dam di kangau nyadi ka Role Model


 Cikgu Mabong nerima tanda mata ari Pengetua, En.Entalai Mambang lalu di perati ka Cikgu Usop


Sekeda ari bahan Pameran


cda


↧
Search

Rentap The Sarawak Warrior

November 5, 2012, 7:16 pm
$
0
0

Ngenatai ka berita manah ngagai bala kitai di Sarawak ditu, lebih agi ka kaban belayan Rentap. Tu seiti berita ti manah langgur seiti Kompeni Film ari Kuala Lumpur, Unique Twin Sdn Bhd deka ngaga film cherita "Rentap".

Kompeni nya udah mansut ka mayuh bengkah film tau ka cherita ti di ayan ba wayang kelimpah ari cherita di ayan ba TV.

Naka ke diatu kompeni nya minta bantu penemu ari SDNU ti betuai ka Tan Sri William Mawan. SDNU bedau ngaga pemutus laban agi betanya begiga ka penemu ari semua bengkah laban nya bekaul enggau Cherita lama (Sejarah) sereta Adat enggau Main Asal Iban (Kebudayaan dan Adat Istiadat Iban). SDNU disadang deka mai baum, semua ti bisi kaul enggau Adat Istiadat, baka DCF, SADIA enggau Majlis Adat Istiadat.

Ba senentang tu, kitai arap amat ka film nya ila tau amat mulai ka pengingat ka bansa kitai, ti kering sereta ngemeran penemu ti bebendar ngetan ke menua enggau bansa. Kelimpah ari nya mega, arap ka film tu ti terubah di pansut ka kompeni tu ukai semina ngangkat ka nama SDNU tang arap ka SDNU ti ngari ka Dayak mega bulih penguntung ari wang ringgit.  Kelimpah ari nya, kitai mega arap ka bala anak Dayak mega di beri peluang belakun nyadi "pelakun tambahan".

Sebedau pekara nya di kerandau enggau silik, lalu di putus ba aum, arap ka bala turun Rentap nya tau mega meri penemu/nasihat/cadangan ngagai SDNU dalam tempuh penyampat ngagai opis SDNU tauka betanya ngagai Secretariat SDNU 010-8320433 (En. Spencer Birai)


Yang Berhormat Tan Sri William Mawan, President SDNU nerima Dokumen ti besangkut paut enggau Film Rentap ari Unique Twins Sdn. Bhd., kompeni ti deka ngeluar ka film "Rentap the Sarawak Warrior"


cda
↧
↧

Mayuh Pengiruh enggau Pengawa Luar Opis

January 9, 2013, 5:11 pm
$
0
0

Selamat taun baru ngagai semua kaban belayan ti jauh enggau semak.

Aku minta ampun laban nadai mansut ka sebarang berita dalam kandang bulan December tu kemari setegal ti kelalu kiruh kin kia. Pengiruh nya endang di pinta enggau di giga diri empu setegal ati sereta runding enggai meda bala kitai jauh ditinggal enda tetitih ka singkang pemansang Malaysia. Ari pemayuh pengiruh, tubuh pan asai nyampau meh kusut, tanchut kada enda nyau lelipai !!!!

Cherita pengiruh ila meh aku ngayan ba post udah tu ila. Sekali agi Selamat Taun Baru 2013 !!!


Selamat Taun Baru !!!!!

cda

↧

Konvokasyen ILP di Miri

January 10, 2013, 8:53 pm
$
0
0
Tu sekeda ari singkang nuju pelajar teknikal. Ngenatai ka pengagai ati ngagai semua bala nembiak ILP ti udah mujur lalu nerima certificate 13/10/2012 tu tadi ba ILP Miri. Pengaga ati tu lebih agi ngagai Watt @ Cornellius Davies ti nembu ka Kursus ngagai Sijil Tahap 1, 2 enggau 3.

Pengelama kira 18 bulan ba ILP Kuching nembu ka kursus Sijil Tahap 1, 2 enggau 3.  Enti semua Tahap nya di kira cemerlang, nembiak ulih nampung ngagai peringkat Diploma pengelama 18 bulan di Pusat Latihan Teknologi Tinggi (ADTEC) Batu Pahat Johor. Besampi ka sida iya cemerlang magang mega laban nadai mayuh bala anak Dayak ngembuan ati ti liat nampung pelajar.


 Watt ti baru pansut ari Dewan



Watt enggau bala pangan baru pansut ari Dewan


Kaban lama di Sibu


Watt enggau seiku ari Pengajar iya ba ILP Kuching


Watt enggau bala kaban iya


Watt


Watt seduai apai iya


cda






↧

Bala anak Apai

January 10, 2013, 10:31 pm
$
0
0

Selalu amat kiruh nya enda ingat post sekeda pengawa diri sebilik. Taja pan laun pam meh bisi di ayan ditu, enti enda pia, lebu endar ga tudah Ayos ngayan ka gaya diri empu. 

Maya ti serumpu baka tu, rindu ga meda bala anak, sama betunu betiup ka api. Pemuas betundi bisi ga sekeda ringat - ukai nama mula amat betulung tang pengujung nyu bekachau ka api sekeda nya dia. Ringat tama rumah enda lama, ninga orang chapuh pansut baru ga ia. Orang ti chapuh sengaja awak ka iya pansut jampat.  


Ayos mantai ka gaya diri empu


Seduai meapai !!!


Ayos seduai enduq ngagai mua jaiiiiii


Watt udah manggai 20 kena 11/8/2012


Atan ngabas rumah baru

cda
↧

IBOST

January 15, 2013, 5:50 pm
$
0
0
Ngenatai ka pengaga ati sereta terima kasih ngagai President SDNU, Tan Sri William Mawan, laban ti nganjung raban Nyumpit SDNU ngagai Pekit Nyumpit Antarabansa (IBOST - International Borneo Sumpit Tournament) di Pontianak kena 5 -7.10.2012 tu tadi.

Tan Sri President bisi mantu belanja di kena nganjung 16 iku tukang nyumpit sereta pegawai pengiring belabuh ari 3/10/2012 ngagai 8/10/2012.

Ba pekit nya Team Sumpit SDNU enda ngelebu President ti mansut ka belanja, laban Team SDNU udah mantai ka penegap lalu ulih nan ka Champion ba 2 katogari ...... sereta bulih penduduk 2 ba ....... enggau penduduk 3 ba ..... sereta mai perais cash enda kurang ari 40juta rupiah.



 Tan Sri William Mawan ngenatai ka bantu RM8,000 ngagai Komiti SDNU ti nganjung Team nyumpit SDNU ke Pontianak


 Team Nyumpit SDNU ngetu ba Pasar Tayan


 Raban SDNU ngetu ba mua Hotel Mahkota Pontianak lemai 4/10/2012, beranti ka kaban ngulu makai lemai


 Bapak Clarry Sada seiku Iban ti nyadi Lecturer ba Universiti Tanjung Pura Pontianak sama datai makai lemai


 Ketuai Nyumpit SDNU, En. Bong Sungkoi seduai Anthony Kiai


 Team Nyumpit SDNU enggau Kelab Nyumpit Julau nyadi ka pengari Malaysia ba Pekit Nyumpit Antara Bansa di Pontianak


 Begulai enggau raban Penyumpit SDNU - Bong, Nelson, Meli, xxx & Jacy


 Raban Penyumpit SDNU


 En. Meli nyadi tukang hias En. Nelson lalu di kemataka En. Gordon


Penyumpit ari SDNU En. Jacy Tintang



cda
↧
↧

SDNU/SPA Malaysia Outreach Program (Part 1)

January 16, 2013, 10:35 pm
$
0
0

SPA Ninga ka Serabana SDNU

Kena 30/10/2012, SPA ngangau ka semua opis Perintah Besai (Head of Federal Departments) ti di Sarawak ngagai randau ba Pusat Sukan Kuching. Serambau enggau nya mega bala NGO di Sarawak sama bisi di kangau.

NGO Dayak ti bisi datai maya nya SDNU, SDGA, BGA, DBNA enggau OUNA. Ba Randau nya SDNU ngenatai ka serabana bala anak Dayak di pesisir ti nadai internet/telefon/newspaper/radio/TV sereta surat ti selalu laun datai nyadi ka penanggul ti pemadu besai maya bepinta ka kerja. 

Beduduk ari penanggul nya tadi sereta beduduk ari SDNU, ti ngembuan enda kurang ari 35 Pampang/Unit SDNU/SIDS sereta kaban ti enda kurang ari 20,000 iku seluruh Sarawak, nya alai SDNU minta diri nyadi "JEMATAN" antara SPA/semua agensi perintah enggau nembiak Dayak di menua pesisir.

Pengerusi SPA Malaysia Tan Sri Mahmood Adam besetuju ka penemu SDNU, nya alai lalu ngangau ka semua NGO Dayak datai ngagai Randau jam 10.30 malam ba Pullman Hotel. Kebuah pia laban serabana SDNU endang iya amat berat, nitih ka rekod pemimit nembiak Dayak Iban ti bisi rejista dalam SPA Malaysia antara Jan ngagai 30 Sept 2012 ti semina kira 16,xxx  (tang Dayak Iban population 33%) banding enggau Melayu 26,xxx (ari population 22%).

Udah ti nerima penemu ari President SDNU, Komiti Besai SDNU lalu matak aum kena 30/10/2012 jam 7.30 lemai ba See Good Restaurant laban deka nusun pekara ti deka di bantai baru ngagai SPA. Aum nya mega di gulu Kaban Komiti ari SDGA, BGA, DBNA, SIRA enggau OUNA. Pemutus randau nya, Dr Dusit Jaul nyadi tuai betemu enggau Tan Sri Mahmood Adam.

Ba aum enggau SPA malam nya, mayuh meh pekara ti di kerandau/pansut ka bala pengari NGO. Sekeda utai ti di bantai sereta di kerandau malam nya:-
(i) minta quota ka anak Dayak dalam peluang kerja perintah,
(ii) minta anak Sarawak aja gawa ba opis perintah di Sarawak kena meri peluang anak Sarawak kerja,
(iii) minta bala pengajar ari Semenanjung ke Sarawak lalu pengajar ari Sarawak mega di beri peluang ke Semenanjung ngiga peneleba,
(iv) minta semua Suruhanjaya nyengkaum Soldadu enggau Polis meri KELONGGARAN ba kelayakan fizikal anak Dayak lebih agi nembiak ti ngembuan tattoo (budaya tang ukai gangster),
(v) minta anak Dayak di beri peluang nyadi tuai opis-opis Perintah (Pengarah/Ketua Bahagian/Anggota SPA), lalu sekeda di beri peluang niki pangkat baka pegawai bukai

Lalu sekeda ari pemutus aum malam nya, YBhg. Tan Sri Mahmood Adam ngansak semua NGO Dayak ngerijista nangka pemayuh nembiak ti ngembuan "kelayakan" sijil Pom 5, 6, Diploma enggau Degree   - 10,000, 20,000, 50,000 tauka 100,000 kena nambah ka 16,xxx ti udah rijista. Enggau nambah ka pemayuh nya, baru meh peluang Dayak nyampau agi di kangau interviu awak mayuh agi alai milih anak Dayak ti chukup "kelayakan".

Kelimpah ari pekara nya, Tan Sri Mahmood Adam mega madah ka SPA endang beamat-amat deka mantu nembiak pesisir, nya alai belabuh ari bulan May 2012, 3 iko kaban SPA ari Sarawak udah di padu. En. Isaka Kana di padu ngari ka Dayak lebih agi Iban. Kelimpah ari nya, SPA Malaysia Pampang Sarawak di Kuching mega betuai ka anak Dayak Iban, En. Mohd. Saiful Sungkih Abdullah.

Terima kasih ngagai YBhg. Tan Sri Mahmood Adam laban ti ninga ka serabana SDNU ti ngari ka semua anak Dayak. Beduduk ari nya SPA lalu numbuh ka seiti Komiti ti NESAU bala anak Dayak di menua pesisir ngerijista diri empu ngena "online". Kelimpah ari nya Komiti nya di peransang NGATUR pejalai/penemuai (Outreach Program/Roadshow) SPA Malaysia ke menua pesisir.

SDNU ngasai ka tanggung pengawa nya chukup berat tang meri penguntung ka nembiak di menua pesisir, lalu enda patut belingah-lingah beanti-anti, nya alai President SDNU YB Tan Sri William Mawan lalu mai ngelanchar ka Roadshow/Outreach Program SDNU/SPA ba Pakan kena 15/11/2012.


Berita ti ayan ba Utusan Borneo kena 31/10/2012 madah ka Chairman SPA Malaysia bisi penyinu ngagai anak Dayak sereta nerima penemu SDNU ti deka nyaup SPA mutar ka penusah anak Dayak di menua pesisir ti nadai internet/telefon/radio/tv/surat khabar



Meeting AJK (SPA - NGO Dayak) 10/11/2012

Berita ti ayan dalam Utusan Borneo kena 11/11/2012, En. Mohd Saiful Sungkih Abdullah, Setiausaha Bahagian SPA Malaysia Cawangan Sarawak di apit Dr. Dusit Jaul seduai Anthony Banyan


Jackson Ding ari SDNU enggau Thomas Tegong Laka ari WaiFm Kuching kelimpah ari Dr. Ellie Luhat ari SDGA/OUNA


Sekeda kaban NGO Dayak di kangau


Surat Perlantikan jadi AJK (SPA & NGO Dayak)


 
 Sekeda kaban Komiti


Bejadi ka Outreach Program SDNU/SPA Malaysia (15/11/2012)


 
 SDNU/SPA Outreach Program di penyadi Menteri Pembangunan Sosial Tan Sri William Mawan ba Pakan kena 15/11/2012 , berita ayan ba Utusan Borneo kena19/12/2012


 
 Berita Outreach Program ba Rumah Dayak Saratok kena 1/12/2012 ti ayan ba Utusan Borneo kena 2/12/2012 mandang ka Setiausaha Bahagian SPA nadai kala ninggal ka diri ari 10 endur Outreach Program ti di atur SDNU

cda
↧

SDNU/SPA Malaysia Outreach Program di Penyadi (Part 2)

January 20, 2013, 11:50 pm
$
0
0

SDNU di beri tanggung pengawa ti chukup berat, bebantu ka bala nembiak Dayak di menua pesisir (pengawa nya endang di pinta SDNU ti sanggup nyadi JEMATAN ngagai nembiak di menua pesisir). Beduduk ari nya President SDNU lalu enda masau jam kena 11/11/2012, nya alai iya lalu minta sekeda bala Komiti Besai SDNU terus ngatur SDNU/SPA Outreach Program enggau jampat lalu di penyadi ba Pakan kena 15/11/2012.

SDNU ti meruan mayuh pampang di serata menua Sarawak, nadai tentu penanggul ngatur sebarang program di luar Kuching. Baka nya mega, SDNU Pakan lalu di pinta nyedia ka diri besaup ngatur SDNU/SPA Outreach Program ti terubah.  Terima kasih ngagai raban Komiti SDNU/SIDS Pakan ti bebendar ngatur program nya dalam timpuh ti bangat serekat.

SDNU ngenatai ka terima kasih ngagai semua pegawai SPA lebih agi En. Mohd. Saiful Sungkih Abdullah, Setiausaha Bahagian,  SPA Malaysia, Cawangan Sarawak laban ti enda sanggu begulai enggau SDNU ngatur Outreach Program lebih agi maya Pengawa Bejadi ka Outreach Program ti terubah ba Pakan.

Terima kasih mega ngagai kerja sama ari Waifm/RTM Kuching, Borneo Post, Utusan Borneo, Sarawak Tribune enggau Utusan Sarawak laban besaup nabur ka berita nya. Ari penyuah berita nya ayan dalam surat berita enggau pansut ba radio, sigi di sadang mayuh bala nembiak di seluruh Sarawak ngerijista diri empu online ari rumah, opis enggau cyber cafe.


Tan Sri William Mawan Menteri Pemansang Sosial Sarawak, di apit En. Mohd Saiful seduai Anthony Banyan maya pengawa bejadi ka SDNU/SPA Outreach Program ba Dewan Masyarakat Pakat kena 15/11/2012


Tan Sri William Mawan nerima pemberi ari Chairman SDNU Pakan


Edmund Renggie telunga ninga berita ari Tuai Rumah



Sekeda bala nembiak ti datai ari pelilih Pakan, Julau, Sarikai, Bintangor sereta Sibu Jaya


Sekeda ari pameran SPA Malaysia


Rubin Jimbai seduai Edmund Renggie


 
YB Tan Sri William Mawan berandau sentara nganti pemakai di nah


Makai malam ba rumah Unggal Timbu (Apai Mawas)



Berita ayan ba Utusan Borneo

cda




↧
Search

SDNU/SPA Outreach Program (Part 3)

January 21, 2013, 9:15 pm
$
0
0

SDNU/SPA Outreach Program ti kedua kena 16/11/2012 ba Dewan Suarah Sri Aman. Terima kasih ngagai raban SIDS Sri Aman ti betuai ka Pn. Rosalind Abunawas ti udah lelak amat nyedia ka perengka ti di kena sehari nya.

Taja pan nadai seiku Wakil Rakyat datai ngulu/ngabas, tang Pengawa Outreach Program ba Sri Aman tu mega mujur amat narit bala nembiak ti ngerjista online. Sekeda bala nembiak nya udah rejista, sepengudah ninga gerah ba radio tang ngenatai ka diri mega tegal deka ninga ka penerang ti lebih silik ari SPA. Sekeda bala nembiak datai ari Saratok, Betong, Lubok Antu, Sebuyau enggau Engkilili.

Sekali agi terima kasih ngagai bala SIDS ti betuai ka Pn. Rosalind Abunawas di Sri Aman, tegal udah mujur ngatur pengawa nya.


Pn. Rosalind Abunawas Pengerusi SIDS Sri Aman, Anthony Banyan, En. Mohd. Saiful Sungkih Abdullah dan seorang lagi Pegawai SPA  semasa sessi Taklimat


Sessi Taklimat oleh Pegawai SPA


Pameran SPA Malaysia


Bala nembiak benung ninga ka penerang ari SPA


Sekeda ari nembiak ninga ka penerang ari SPA


Tu seiku ari nembiak ti bebendar minta kerja, ia madah ka diri udah interview enda kurang ari 10 kali tang nadai kala di beri peluang bekerja, dini endur penyilap tu kini???


cda

↧

SDNU/SPA Outreach Program di Saratok (Part4)

January 24, 2013, 11:04 pm
$
0
0

SDNU/SPA Outreach Program ti ke3 kena 1/12/2012 ba Dewan Rumah Dayak Saratok. Sekali tu bala komiti berasai ti megah amat ati laban ti enda di sadang nembiak datai kenyau ari jam 7.00 pagi. Taja pan bala nembiak numu nya datai tang bala Komiti pengatur pengawa endang udah besedia sebedau jam 7.00 pagi alai bala nembiak ti datai tumu lalu ulih rejista tumu.

Bala komiti semina nyadang bala nembiak datai kira 500 aja, tang taja pia laban penatai bala nembiak tumu nya alai bala komiti sempat nyedia ka utai ti di guna/kena baka kerusi enggau ai botol ti chukup.

Beduduk ari nya, SDNU HQ ngenatai ka terima kasih ngagai raban SDNU Saratok ti betuai ka Cr. Albert Bejie sereta raban 1,000Belia ti udah besaup ngatur pengawa ti mai pemujur.

Komiti Besai SDNU ti ngatur pengawa tu mega ngenatai ka terima kasih ka sukung Yang Berhormat Jelaing Mersat, Timbalan Menteri Pengangkutan Malaysia ti nyadi Kaban Parliament Saratok. Iya mantu SDNU enggau duit RM5,000 ngagai SDNU HQ sereta RM10,000 ngagai SDNU Saratok. Kelimpah ari nya ia mega mantu semua pemakai enggau utai irup sehari nya.

Terima kasih mega ngagai En. Desmond Jemenie Private Secretary Yang Berhormat Jelaing Mersat laban ti udah ngurus ka semua pengawa begulai enggau SDNU sereta raban 1,000Belia Saratok. En. Chambai Lindong ti nyadi Kaban Komiti Besai SDNU ngari ka YB Jelaing Mersat pagi nya bejadi ka SDNU/SPA Outreach Program.

En. Chambai Lindong (Pengari Timbalan Menteri Pengangkutan Malaysia) ngenatai ka pesan ari Yang Berhormat


Cr. Albert Bejie (Chairman SDNU Saratok), En. Chambai Lindong (Pengari Timbalan Menteri Pengangkutan Malaysia), En. Mohd. Saiful Sungkih (Setiusaha Bahagian, SPA Malaysia Cawangan Sarawak) & Anthony Banyan (Penyelaras SDNU/SPA Outreach Program)


Bala Pegawai SPA benung nyedia ka diri online sedia napi pemayuh nembiak ti datai


Tusun bala nembiak panjai sampai ka jalai besai


Nganti maya ti belabuh


Sekeda nembiak di luar Dewan


Nembiak rejista penatai ba pintu penama kenyau ari jam 7.00 pagi


Sekeda ari 1,500 nembiak menuh ka Dewan Rumah Dayak Saratok


Raban Komiti ari SDNU HQ irau ka Dewan puang maya sebedau jam 7.00 pagi

cda

↧
↧

SDNU/SPA Outreach Program Bintulu (Part 5)

January 27, 2013, 6:03 pm
$
0
0

SDNU di pinta ngatur Outreach Program di Bintulu baka Outreach Program ba endur bukai. Peminta tu di kena mantu bala nembiak ti datai ari menua pesisir ba Bagi menua Bintulu ti nyangkaum Tatau enggau Niah kelimpah ari Sebauh. Bepun ari nya semua pampang SDNU ti bisi ba Bintulu lalu di pinta besaup ngatur pengawa lalu di pinta besaup betesau.

SDNU/SPA Outreach Program nya di penyadi YB Datuk Dr. Stephen Rundi  kena 12/12/2012 ba Dewan Suarah Bintulu. Pengawa nya di kira udah mujur, sereta udah narit enda kurang ari 700 nembiak ti datai ari pelilih menua Tatau enggau Niah kelimpah ari Sebauh enggau Bintulu.

Terima kasih ngagai YB Datuk Dr Stephen Rundi, Menteri Muda Pembangunan Belia dan Menteri Muda Kemudahan Awam Sarawak laban ti enda sanggu bejadi pengawa pagi nya. Lalu kelimpah ari nya, ia mega mantu SDNU mansut ka belanja RM5,000 di kena bebayar ka endur, perengka diguna, pemakai enggau utai irup sehari nya.

Sama bisi datai ngulu pengawa pagi nya mega, Political Secretary En. Victor Temenggong, Private Secretary En. Clement Tinggi sereta bala Protem Komiti SDNU Kemena.


 YB Datuk Dr. Stephen Rundi officiated SDNU/SPA Outreach Program in Bintulu


 More than 700 Dayak Youths attending a briefing by SPA officers on carrier and job opportunity in Malaysia at the Dewan Suarah Bintulu


 Mini exhibition by SPA Malaysia


Dayak youths around Bintulu, Niah and Tatau


Alexander Peter and friend registered themselves online


  Dayak youths registered on line by SPA officers on duty


 Pn. Catherine ngenatai ka pom SDNU ngagai En. Spencer Birai


AJK SDNU Kemena ngerejista penatai nembiak


Berita ti ayan ba Utusan Sarawak kena 8/12/2012


cda
↧

SDNU/SPA Outreach Program di Kanowit (Part 6)

January 29, 2013, 6:46 pm
$
0
0

Outreach Program ti ke-6 ba Kanowit kena 15/12/2012. Pengawa tu di atur begulai enggau bala SDNU/SIDS Pampang Kanowit enggau SDNU Pampang Machan ba Kompleks Sukan Kanowit enggau penuh sukung ari Kaban Parliament Kanowit, YB Datuk Aaron Dagang.

Enda kurang ari 600 iku nembiak ti ngerijista maya nya kelimpah ari sida ti datai ninga ka ceramah kerjaya ari bala pegawai SPA Malaysia.  Baka eba endur bukai mega, sida SPA bisi nyediakan Pameran alai mandang ka mayuh bengkah kerjaya ti bisi di pegai SPA.

Terima kasih ngagai YB Datuk Aaron Dagang ti udah bejadi ka SDNU/SPA Outreach Program pagi nya, lalu pia mega, iya enda belampung ati mantu enggau mata duit RM5,000 (SDNU HQ), RM3,000 (SDNU Kanowit), RM3,000 (SDNU Machan), RM3,000 (SIDS Kanowit). Duit nya di kena ngatur aktiviti ka mit-mit ti tau nguntung ka bala kaban di menua pesisir, ke labih agi ba pemansang pelajar sekula.

Lebuh ti bejadi ka pengawa nya, ia meransang bala anak Dayak terus besemekih kena kena ngangkat ka penatai pemisi enggau ngangkat ka tikas pendiau pengidup diri empu, diri sebilik sereta diri serumah.

YB Datuk Aaron mega ngenatai ka terima kasih ngagai SPA Malaysia laban ti be amat-amat deka mantu nembiak menua pesisir ba begiga ka pengawa ba opis perintah bekau nerima serabana SDNU maya ba Randau kena 30/10/2012 ba Kompleks Belia dan Sukan Negeri Sarawak. 


 Pameran SPA


 Sekeda bala nembiak ti datai ari pelilih Kanowit


 Bisi mega bala nembiak datai ari Julau enggau Bintangor


 Sekeda bala nembiak mega datai ari Sibu Jaya enggau Song




 Berita ti ayan ba Utusan Borneo kena 19/12/2012 mandang YB Datuk Aaron Dagang, Kaban Parliament Kanowit meda Pameran SPA sepengudah ia bejadi ka SDNU/SPA Outreach Program




Sekeda berita ti ayan ba Borneo Post kena 18/12/2012



cda
↧

SDNU/SPA Outreach Program di Betong (Part 7)

February 19, 2013, 11:31 pm
$
0
0
Tu berita SDNU/SPA Outreach Program ti ke7, di atur ba menua Betong kena 16/12/2012. Pengawa tu mujur di atur begulai enggau raban SIDS pampang Betong ti betuai ka Pn. Rosline Ginjah ba Dewan Panglima Rentap.

SDNU ngenatai ka terima kasih ngagai YB Dato Sri Douglas Uggah Menteri Alam Sekitar Malaysia ti minta SDNU ngatur pengawa nya awak ka meri nembiak pesisir ba pelilih Betong rejista online. Terima kasih mega ngagai Dr. Richard Rapu ti nyadi Political Secretary Menteri Alam Sekitar Malaysia, ti udah mantu raban SDNU mutar ka sekeda penekul enggau penanggul maya Outreach Program nya.

Pengawa pagi nya mega di bantu bala pegawai/kakitangan ari Opis Parti, PBB pampang Betong.

SDNU/SPA Outreach Program pagi nya di penyadi En. James Agat Digat pengari YB Dato Sri Douglas Ugah. Enda kurang ari 700 nembiak ti datai ari pelilih Betong, Lubok Antu enggau Engkilili ti nyangkaum semua raban bansa Iban, China enggau Melayu.



 En. Mohd Saiful Sungkih seduai En. James Agat Digat di apit pengari SDNU enggau Pengerusi SIDS Betong Pn. Rosline Ginjah


 En. James Agat Digat pengari YB Dato Sri Douglas Ugah ngenatai ka jaku sereta bejadi program pagi nya


  Pegawai SPA benung meri penerang/taklimat kerjaya


 Sekeda ari nembiak


 Bala kaban SIDS Betong Pn. Rosline Ginjah mantu ngerista penatai bala nembiak


 Berita ayan ba Utusan Borneo kena 18/12/2013


 Berita ayan ba Utusan Borneo kena 19/12/2012

cda4800
↧
Viewing all 46 articles
Browse latest View live
Search