Penjurai Apaienduq

SDNU/SPA Outreach Program ti ke8. Pengawa tu di atur SDNU HQ begulai enggau SDNU Kapit di sukung SPA Malaysia kena 18/12/2012 ba Dewan Suarah Kapit lalu nerima bantu penuh ari Kaban Parliament Kapit YB Datuk Alexander Nanta.

Pengawa di penyadi Timbalan Resident Kapit En. Mohd Ikmar bin Abdullah, pengari Kaban Parliament Kapit YB Datuk Alexander Nanta.

Enda kurang ari 1,200 nembiak ti datai ari pelilih Kapit enggau Song.

Ngenatai ka pengaga ati sereta terima kasih ngagai raban Komiti SDNU Kapit ti betuai ka En. John Lang seduai En. Solomom Kumbong ti bendar amat nyedia ka pengawa ka sehari nya. Pia mega ngenatai ka terima kasih ngagai pemanah bala kita sebuat ti udah kiruh amat ngintu penatai kami sebuat 2 malam nya. Terima kasih mega ngagai Chairman SADIA Kapit ti sama enggau kitai sebala kin kia.

En. Mohd Ikmar Timbalan Resident Kapit ngari ka YB Datuk Alexander Nanta bejadi ka program pagi nya

Sekeda bala nembiak benung mending ka taklimat ari Pegawai SPA

Bala nembiak benung rejista online

Rejista penatai

Backdrop

cda4800

Selamat betemu baru, minta ampun kelalu jauh ninggal ka diri tegal pengawa kin kia lalu bisi penanggul niki ke langit/internet.

Ngenatai sereta ngapus ka berita pejalai SDNU ti mai SPA Malaysia ngerista bala nembiak kitai di menua pesisir. Sibu nyadi pejalai ti ke 9 lalu Selangau nyadi pejalai ti ke 10 ulih lawa kami sebuat kandang maya ti kurang ari 2 bulan nya.

Pengawa Roadshow ba Sibu di atur SDNU/SIDS Sibu kena 22/12/2012 ba Dewan Methodist Jln Tun Abang Hj. Openg. Enda kurang ari 700 nembiak datai ngena peluang nya ngerijista diri empu.

Lalu pia mega Roadshow ti penudi kena 23/12/2012 ba Dewan Kesedas Selangau udah meri peluang enda kurang ari 500 nembiak rumah panjai ngerista diri empu.

Ngenatai ka besai terima kasih ngagai YB Joseph Mauh Ikeh ADUN Tamin laban ti nadai sanggu begulai enggau kami sebuat bejadi ka 2 iti roadshow nya.

Ngenatai ka lalau sereta pesan ngagai semua bala nembiak ti udah ngerista diri empu, kita di pinta suah ngabas surat/email kita empu, nyangka bisi kena kangau intebiu ka sebarang pengawa SPA Malaysia.

Kita mega di lalau ngerista online ba SPA Negeri sereta Suruhanjaya/ejensi perintah ti bukai, laban pengawa puang ukai semina ba SPA Malaysia aja.

Counter rejista penatai nembiak

Mohd Saiful Sungkih, Chambai Lindong & YB Joseph Mauh

Ir Alice Jawan Pengerusi SIDS Sibu

Bala nembiak benung mending ka sekeda ari penerang ari SPA

Chambai Lindong ngenatai ka tepa/tanda pengingat ngagai YB Joseph Mauh

Sekeda ari raban Komiti (Edmund Renggie, William Baja, Chambai Lindong, Anthony Banyan, xx, ss)

Taklimat benung bejalai

cda

Tu sekeda ulah mensia, nadai pengawa begiga ka pengawa. Mulai ka penguntung diri sebilik seigi nadai tang mulai ka pengerindu kena begulai enggau pangan diri nya aja meh.

Ba senentang nya mega, engka ga bisi penguntung ngagai tubuh anak jemah ila, laban sida iya ngangka bisi ga orang ngelala, ingat ka sida ari peneleba kaul apai tauka indai kini !

Mulai ka pengiruh dua tiga bulan ti ke udah enda alah kira, nya meh kebuah Penjurai tu nadai sekali ulih sapu ulih intu, nyau bedebu nyau berapuh meh pukat empelawa kiba kanan. Udah seiti, datai ga seiti pengawa ke ulu ke ili, nyau nadai awak limpang nyenguk ke Penjurai.

1. PIBG SMK Jln Arang

Nerima pemedis tang nya seiti ari tanggung pengawa ti berat ari penuh sukung enggau pechaya sekula enggau sekeda apai indai ti sama datai.

Penggal ke dua nerima tanggung pengawa ti berat, terubah ari 2011-2013, diatu 2013-2015. Asai asai enda adil laban mayuh ga apai indai ti bukai tang sida enda sanggup nerima tanggung pengawa ti berat nya. Taja pia meri besai terima kasih ngagai Pengetua sereta bala pengajar lalu mega semua apai indai ti meri penuh pechaya madu ka pangan tu nyadi Yang DiPertua PIBG SMK Jln Arang.

Sekula nya ti ngembuan 1779 nembiak ti tebal agi nembiak China, kira 98 pengajar enggau 12 staff. Nyadi kaban PIBG, ukai semina mantu pengawa ba sekula tang bisi ga kena rimbas di bai bala ari Opis Pelajar dalam Komiti Anti Ponteng enggau komiti bukai ti besangkut paut enggau pemansang nembia.

Komiti PIBG 2013-2015 begulai enggau Pn Fong, Pengetua Cemerlang

Komiti PIBG 2011-2013 begulai enggau Pn Fong, Pengetua Cemerlang

Cikgu Tomson, Bendahari PIBG SMK Jln Arang

Cikgu Robert Juin, Setiausaha PIBG SMK Jln Arang

Cikgu Lamah Sujang, AJK PIBG SMK Jln Arang

Berita ti ayan ba Borneo Post kena 28/3/2013

Berita ti ayan ba Utusan Borneo kena 26/3/2013

2. Sarawak Dayak Graduate Association (SDGA)

Sempat ngelawa meeting SDGA ti ke 8 ba Kuching Park Hotel. Semina nyadi kaban aja, nya alai enggai enda nemu berita lalu ngulu aum pagi nya.

SDGA mega bisi bejurai ka mayuh randau, seiti ari randau mega enda setuju ka orang ti ngumbai Dayak di menua pesisir nya "anak kampar" ba tanah perintah.

Secretary Report ari Jona Kerani

Komiti SDGA betuai ka Dr Dusit Jaul

Dr. Thomas Buan

Sekeda berita ti ayan ba surat berita

3. Dayak Chamber of Commerce and Industry (DCCI)

Ngulu meeting DCCI ti ke 11, enda lama aja laban deka nemu berita bala Dayak ti bedagang.

Utai ti bisi di dinga, randau pasal, bala kitai di menua pesisir di kumbai orang "anak kampar" diau ba tanah perintah. Kelimpah ari nya, randau peluang bedagang/kontrek ari perintah mega bisi dipejurai pagi nya.

Sama-sama meh kitai besampi minta perintah meri peluang mayuh agi ngagai bala kontraktor bansa Dayak. Enti nitih pemayuh bala kuli nadai lebih ari kitai Dayak, nya alai nadai jalai GAGAL enti kontrek nya di beri ngagai bala Dayak ti bisi ngembuan Lisin baka bala sida Ali, sida Baba ngelama tu ti semina beguyang kaki ngumpul 5-10%%%%%%.

Program Book DCCI

DCCI Publication book

DCCI President Tan Sri Datuk Amar Leo Moggie, Deputy President Dato Sri Celestine Ujang and DCCI Adviser Tan Sri Datuk Amar Leonard Linggi Jugah

cda

Diri Sebilik Meri Basa Pemarai Kanang Ak Langkau

Taja pan berasai kiruh tang asai sepi endang patut amat mega mai bala anak ngabas sereta meda enggau mata sida ia empu, orang ti di kumbai Bujang Berani. Nya alai limpang mega ngerumban ngagai Dewan Surah lemai 5/1/2013.

Diatu nemu meh bala anak, sapa orang ti di kumbai Bujang Berani ti datai ari menua Julau, alai mayuh amat kaban belayan ari Meluan, Lijan, Entabai tauka Merurun.

Kanang Ak Langkau 68, ada dalam taun 1945 ba Ng Meluan Julau. Kanang masuk Sarawak Rangers ari Iban dalam taun 1962 di bai Bennett Jarrow. Ia madam ka seput kena x/1/2013 ba Hospital Besai Sarawak. Ia di kubur ba pendam Bujang Berani Jalan Budaya Kuching kena 6/1/2013.

Dalam bulan Semilan taun 1963, Sarawak Rangers di pasuk ngagai Malaysian Army’s Royal Ranger Regiment.

Semina seiku Kanang Anak Langkau ti bujang berani ti idup ngembuan dua Bintang Bujang Berani Sri Pahlawan Perkasa (SP) enggau Panglima Gagah Berani (PGB) ari Yang Di-Pertuan Agong Sultan Ahmad Shah dalam bulan Jun 1981.

Bintang Berani nya di terima ia di kena nanda ka pemerani kanang Ak Langkau ti betempuh ngelaban Komunis ba Perak kena 8/2/1980 ti naban ka seiku soldadu mati. Kanang enggau semengat "Agi Idup Agi Ngelaban" lalu ngulu ka raban iya 11 hari nyidi nitih sereta tebunuh ka 5 iku Komunis. Kanang empu mega balat amat bakal udah bekau kena 3 kali kena timbak.

Kanang ngetu nyadi soldadu udah pengelama 21 taun lalu ngetu ngena pangkat Warrant Officer One (WOI).

Kanang Ak Langkau nerima elaun RM1,600 (SP) enggau RM2,000 (PGB) sebulan belabuh ari 2006, tang sebedau nya RM700 aja sebulan. Kenyau ari 1980han ia semina nerima RM300 (PGB) sereta RM400 (SP).

Kanang udah di padu nyadi Temenggong bagi Sri Aman dalam pengelama kira 2 taun tang sebedau nya ia mega kala nyadi Penghulu enggau Councillor. Pengawa Kanang Ak Langkau udah dikelala perintah menua Sarawak nya alai ia lalu di beri Pangkat Datuk dalam taun 2012 suba.

Kami menyanak sereta kaban belayan ari Machan mega ngenatai ka penyinu ati ngagai bala menyadi, anak sereta kaban belayan Kanang Ak Langkau. Besampi ka semengat iya begulai enggau orang Sante belama.

Ayos meri basa ngagai Niang Bujang Berani taja pan Ayos enda nemu nama utai ti nyadi sereta enda nemu sapa Kanang Anak Langkau nya !

Ayos enggau penuh ati sereta berunding ka pemayuh orang ti datai ba Dewan Suarah Kuching

Temenggong Datuk Kanang Ak Langkau

Mai raban nemuai basa

Raban SDNU meri basa ngagai Niang Bujang Berani

cda

Selamat kitai betemu baru sereta selamat lantang senang ngagai kaban Dayak di Kalimantan Barat. Terima kasih kerana sudi mengundang Dayak/SDNU dari Malaysia/Sarawak sekali lagi berkunjung ke Pontianak untuk acara yang sangat bersejarah itu. Acara angkat sumpah kali kedua seorang Gubenur Dayak memegang jawatan tertinggi di Kalbar.

Hari yang bersejarah pertama adalah pada 14.1.2008, SDNU juga telah menghantar perwakilan yang sama, tetapi dengan jumlah ahli rombongan yang lebih ramai kerana waktu tersebut ramai ahli yang mungkin kelapangan.

Dalam kesempatan ini, kita mengucapkan setinggi-tinggi tahniah kepada Bapak Cornelis kerana sekali lagi telah berjaya dalam pemilihan Gubenur Kalimantan Barat pada bulan Oktober 2012 yang lalu, tahniah juga kepada Bapak Wagub dan semua ahli DAD yang telah berkerja keras bagi mencapai kejayaan yang sangat bermakna itu.

Ari kangau Dewan Adat Dayak, SDNU lalu ngatur pejalai lalu ngiga bala kaban belayan SDNU ti ulih tauka bisi awak maya nya. Pengawa pun taun endang mayuh, nyau berunding ga sekeda bala ti deka enggau tang nadai peluang.

Seninjik amat, YB Joseph Mauh ninga berita SDNU bisi di kangau, iya lalu madah ka diri deka enggau lalu minta ulu ka bala SDNU. Nadai berunding panjai mega laban ti enggai ngelebu iya, nya alai bala lalu ngatur pejalai nitih ka jam enggau hari ti udah di padah.

Bapak Gubenur memberi laluan kepada rombongan dari Malaysia untuk mengambil gambar bersama semasa sesi berfoto di Istana

Rombongan ditemani Pak Yakobus menuju masuk ke Dewan Acara

YB Joseph Mauh Ekih bersama Pak Yakubos dan Bapak Ketua Adat Selakau

Cr TR Awang bergambar bersama 4 orang Panglima Dayak

Bersama Pak Yakubos semasa di Istana sebelum berangkat ke tempat Acara

Makan tengahar bersama Pak Thadeus dan Isteri

Pak Thadeus dan Ibu Katerina Lies bersama rombongan SDNU

Makan malam di jamu oleh Pak Agustinus Clarus di Pontianak bersama Pak Pansang & Keluarga dengan Pak Clarry Sada

YB Joseph Mauh Ekih, Pemanca Robert Nanta, Cr TR Awang Mr. Ganchai Jinta singgah dan rehat di Simpang Tanjung

cda

Bejalai ngiga penemu, nya leka jaku diatu, udah nya lalu ba pengujung udah betaun-taun di tangkan ka nerima certificate, diploma tauka Degree.

Orang kelia, bejalai ngiga reta pengeraja, udah nya bejalai ngiga duit ngiga ringgit, datai di menua ukai main tampak amat rita ke ulu ke ili, baka sida sanu nya, sida sanu nya. Enti nadai anak lelaki, nelan liur aja meh nuan.

Sepengudah nerima berita gaga nampung pelajar baru, lalu nadai berunding dua tiga kali lalu ngatur pejalai ke Johor, nya alai flight udah ga sedia bala kaban lama di Johor Bahru udah ga nganti.

Jutaan terima kasih kepada Saudara Mahmud Hanapiah dan keluarga kerana sudi meminjamkan sebuah kenderaan untuk saya dan anak saya bebas bergerak di Johor. Terima kasih juga kepada Saudari Hasmawati Hasbullah dan keluarga, Saudara Osman dan Keluarga serta Saudara Razif. Mereka ini adalah teman sekolah pada tahun 1975-1979 di SMK Mersing Johor.

Begitu meriah sekali perjumpaan dengan rakan-rakan lama yang tidak pernah berjumpa sejak 1979 seperti Saudara Osman di JB dan Saudara Razif sudah menunggu kemunculan saya di Batu Pahat. Maklumlah lebih 30 tahun tak pernah berjumpa, gelagat-gelagat lama rakan masih dalam ingatan.

Sampai di ADTEC bersama Saudara Razif

Pendaftaran ba ADTEC

Dua orang rakan yang pernah bersaing hebat acara padang dalam tahun 1977-1979 Saudara Razif

Aktiviti pertama selepas pendaftaran pelajar baru

Saudara Mahmud, Saudari Hasmawati dan Anak bersama Saudara Osman makan malam sebelum kembali ke Kuching

Bersama Saudara Osman dan Saudara Mahmud makan tengahari di gerai Isteri kepada Saudara Osman

Sebuah restauran Kampung di tengah-tangah Bandaraya Johor Bahru

Watt Mupuk Ke Johor

Watt enggau bala gang sekula ti sama datai ke Airport

Ayos seduai Watt

Ikan Empurau bai ari Cikgu John Lang ba Kapit

cda

Enggau ati ti pemadu gaga, ngenatai ka SELAMAT HARI GAWAI ngagai semua bala kitai Dayak ti jauh enggau semak di serata dunya.

Besampi ngagai Allah Taala, minta berekat ka semua pengawa ti deka di gaga kitai tau mujur magang ba taun ti deka datai. Pia mega kitai beterima kasih ngagai Ia, ketegal pemujur semua pengawa kitai ti udah.

Taun tu kami menyanak Gawai di rumah panjai di Ng Pek Rimbas Betong. Gayu Guru Gerai Nyamai !!!!

Ayos ngajat niti ruai maya Gawai 2012 di Mangut Machan

Makai diri sebili Gawai 31.5.1987

Gawai diri serumah 31.5.2009 di Ng Pek Rimbas Betong

Makai diri sebilik Gawai 31.5.2012 di Mangut Machan

cda

Enda berasai, 4 taun udah makai tinduk sereta gari pan nyau ulih ngintu. Diatu udah maya ga nyau nguji ngati ka diri, chara ngidup ka diri baru baka 2009 suba. Watt udah ga nguji ngidup ka diri diau ba kolej/Asrama belabuh ari 7/1/2013 tu tadi.

Taja enda lama numbas ga di asai ngiga peneleba ngidup ka diri jauh ari apai indai sereta bala menyadi. Diatu gintir Enduq ga nemuai ke menua Japan. Lama iya udah "nyimpan ati" deka ke Japan udah bekau meda pejalai/gambar apai iya di Tokyo enggau Utsunomya bulan July 2005 suba.

Sida 4 ukai raun, tang attach/belajar ba Osaka University Hospital pengelama sebulan. Tambang bilun, keretapi enggau belanja makai sereta alai diau di Japan endang bepanggai ba diri empu magang. Taja pia kitai ti apai indai endang chukup beterima kasih ngagai UNIMAS, laban ti ngurus/ngatur ka semua pekara ti besangkut paut enggau pengawa ngiga penemu lebih agi di menua luar baka nya.

Enduq enggau diri sebilik sebedau mupuk ke KL

Enduq seduai Cynthia (former Classmate)

Ayos meri sium ngagai Enduq

Ayos, Ujang, Enduq sereta Mum

cda

Ngenatai ka pengaga ati ngagai bala anak kaban SIDS di Kuching, tegal kita ti mujur ba peresa taun 2012 tu kemari. Pengaga ati mega ngagai apai indai kita laban ti enda lebu ngarap ka kita mujur enggau manah ba pelajar sekula.

Arap ka kita terus mujur, maju sereta ngangkat ka nama apai indai, aki ini sereta lebih agi bansa Dayak Iban. Pemujur kita deka ngayan ka pemujur anak Dayak Iban sereta tau amat narit pemujur nembiak kitai ti agi tinggal dudi di menua pesisir.

Pengaga ati sereta terima kasih ngagai SIDS ti udah lama nyedia ka peransang sekula ngagai bala anak kaban SIDS empu. Arap ka utai ti mit baka tu meh kena muka mata bala indai-indai ti bedau nyadi kaban SIDS bala apai ti bedau nyadi kaban SDNU nyau tebuka runding, sama ngiga jalai mantu anak diri empu ransing ba pelajar sekula. Enti di kira, pemayuh wang ringgit SIDS udah di pansut ungkup peransang sekula kenyau ari 1983 kada enda nyau beratus ribu ringgit. Ngemayuh nya nadai penanggul asal meri pemujur sekula sampai ke Universiti ka bala generasi Dayak ti rebak baru.

Ujang nerima Certificate enggau Peransang Pelajar SIDS ari Datin Catherine Gramong

Ujang gaga amat ati nerima Peransang enggau Certificate 6A ba PMR taja pan ia nadai diberi peransang maya 5A ba UPSR suba

Bala Komiti Peransang Pelajar Sekula SIDS begambar enggau bala anak kaban SIDS ti mujur ba UPSR, PMR, SPM enggau STPM

Cherrysca seiku ari nembiak nerima Peransang Pelajar SIDS, mujur 10A ba SPM 2007, diatu ba taun pengambis ba UNIMAS benung bebangun nyadi manang, duduk berimbai enggau Pengerusi SIDS Dato Sri Empiang Jabu

cda

Endang baka selama, pama kitai suah ngundang orang, orang pan suah nemuai ngagai kitai. Pengawa nya endang nyadi kenyau ari jeman aki ini kitai kelia, di kena negut ka kaul diri sekaban maya ti lepa pengawa bumai betupi. Kelia kira ke empai bisi bekebun, nya alai semina lepa bumai sida iya lalu mindah dua tiga malam ba pangan diri. Bisi sekeda nyau beminggu nitih ka menua alai nemuai.

Nyau mulai ngagai dunya diatu ti nadai sekat (boarder less) makin jauh agi ga alai kitai beundang-undang pangan diri, tambah mega nyau beundang-undang enggau pangan diri diatu nyau nadai ngira diri sebilik, bansa enggau menua.

Terima kasih ka penemuai Bapak Thadeus Yus enggau sida sebilik ti selalu datai di Kuching ari Pontianak, Bapak Yakubos Kumis Pengurus Dewan Adat Dayak Pontianak, Bapak Agustinus Clarus ari Singkawang, Bapak Adrianus Sindot Bupati Landak, Bapak Poulus Hadi Timbalan Bupati Sanggau, Bapak Andeng Ketua Dewan Adat Dayak Sanggau, sereta Bapak Albert Ketua Umum Dewan Adat Dayak Sekadau.

Penemuai sida iya enggau bala kaban bukai nadai kala di padah, digerah ngagai bala kitai bukai, nya meh kebuah kala seiku ari bala DJ radio madah ka kitai aja nemuai ke Kalimantan kin. Arap ka bala DJ radio nya patut nusoi pekara ke amat ngagai bala mayuhlaban taja enda di gerah tang kala ga penemuai tudah ari Kalimantan ayan ba sekeda surat berita, Blog tau ka facebook.

1. Rombongan Dewan Adat Dayak menghadiri Acara Gawai dan lain-lain di Sarawak

Tan Sri William Mawan begambar enggau raban Dewan Adat Dayak Sekadau ti sama ngulu pengerami Gawai ti di atur SIDS Sarikai kena 18.5.2013

Bapak Albert, Ketua Umum Dewan Adat Dayak Sekadau nerima tanda pengingat ari Tan Sri William Mawan

Pemanca Lading enggau raban SDNU nerima penatai raban Dewan Adat Dayak Sekadau ba mua Dewan Suarah Sarikai (En. Jackson Ding, En. Jonathan Bangau, Pak Markos Camat Entikong, Pemanca lading, Cikgu Benison Mawan, Pastor V)

Raban Dewan Adat Dayak Sekadau

Raban Dewan Adat Dayak Sanggau di rami makai malam ba seiti Hotel di Kuching

Timbalan Bupati Sanggau Bapak Poulus Hadingenatai ka jaku terima kasih bekau ti di sambut SDNU enggau basa ti pemadu besai

Bapak Andeng Ketua Umum Dewan Adat Dayak Sanggau

Rombongan Dewan Adat Dayak Pontianak di ketuai oleh Bapak Yakubos Kumis di sambut oleh En. Paul Igai wakil Tan Sri William Mawan di acara majlis Ramah Tamah di salah sebuah Hotel pada 22.1.2013

Ibu Cecelia Minsin (Isteri Speaker DPR Pontianak) menyampaikan cenderahati kepada SDNU sambil diperhatikan oleh Bapak Yakubos Kumis

Ibu Veronika salah seorang peserta Rombongan Dewan Adat Dayak Pontianak ketika di Kuching pada 22.1.2012

Kenderaan rombongan DAD Pontianak yang penuh dengan peralatan Musik dan tarian

SDNU menggunakan khidmat dan kepakaran En. Nicholas Brayan ketika mengadakan acara Sambutan Tradisional di salah sebuah Hotel di Kuching

2. Rombongan Pemimpin-Pemimpin Dewan Adat Dayak ke Kuching

Bapak Thadeus Yus Mantan Ketua Umum Dewan Adat Dayak Kalimantan Barat di jamu maya ia ngulu ka raban nemuai ke Kuching kena 4.1.2013

En. Narang Ringkai, En. Edmund Renggie sereta Anggat sama ngulu makai lemai nerima raban DAD

Marten, Isteri Marten, Harry dan Watt

Rombongan Bapak Adrianus Bupati Landak dan Bapak Thadeus Yus diraikan oleh ahli SDNU sempena malam sambutan tahun baru pada 31.12.2011

Memohon keberkatan semua hidangan dan acara malam sambutan tahun baru di kediaman salah seorang Exco SDNU, bersama Bapak Thadeus Yus dari Pontianak dan Bapak Adrianus Sindot dari Landak

Ayos mendapat gurauan mesra dari dua orang Puteri Bapak Adrianus semasa kunjungan mereka ke rumah pada 31/12/2011 sambil menunggu detik 12 malam

3. Jemputan Dewan Adat Dayak Pontianak semasa Acara Pertabalan Gubenur Kalimantan Barat

Rombongan SDNU disambut penuh kemesraan oleh Bapak Cornelis, Gubenur yang juga Ketua Dewan Adat Dayak Kalimantan Barat semasa majlis perlantikan beliau bagi penggal kedua pada 14/1/2013

Bapak Yakubos menyambut mesra rombongan SDNU yang terdiri dari YB Datuk Joseph Mauh

4. Sekeda Berita ti ayan enda kena pansa/peda sekeda bala DJ kita Iban

Sekeda berita penemuai SDNU ba Sanggau

Sekeda berita ti ayan nyangka enda kena pansa sekeda bala DJ kitai

Berita ba Borneo Post 25/1/2012

Berita ayan ba Borneo Post 25/1/2012

Sekeda berita ti ayan

Berita Borneo Dayak Cultural Heritage Safari

cda

Selamat betemu baru sereta Selamat taun baru ngagai semua kaban, besampi ka semua kitai sama gerai sereta lantang senang dalam semua pengawa, taja lama enda nemuai ngabas Penjurai.

Kala ke bisi mansa pun taun, nya kebuah ninggal ka sekeda berita diri sebilik ba Penjurai. Ngicha ka bisi di peda bala ti bisi niki ngetu mansa.

Pagila lusa enti bisi awak lalu lepa pengawa, nguji ga mantai ka sekeda berita enggau pengawa ti "ULIH BEGIGA" maya ti selalu bejegau ke ulu ke ili, munyi ko jaku Thomas Tegong Laka ba WaiFM.

Ngetu ba mua simpang ai terjun bertingkat-tingkat (wong)

Wong bertingkat-tingkat ba ujung Jln Punck Borneo tau diundang tang anang lupa, kereta mesti chik dulu brik (brake) sebedau mupuk kin

Ngetu sereta mandi ba Annah Rais Hot Spring Jln Puncak Borneo

Buah rian ti numbas pemesai (RM10 tau enda ibu di tawar)

Lungkit buah rian mesai tin cocacola

Ujang ngedal ka buah rian ngemesai nya

Serumpu diri sebilik nyambut taun baru lemai 31/12/2013

Serumpu diri sebilik

Ngulu taklimat sereta rejista anak ba SK Jalan Arang Kuching

cda

Selamat betemu baru sereta agi tau selamat taun baru ngagai bala kaban belayan. Aku tu datai baru ngabas ruai ti lama udah ditinggal kenyau ti bemalam ba dampa di ulu din.

Mayuh amat meh berita ti enda di ayan sekumbang nyau bebulan enda ngabas Penjurai tu, enda ga alah ayan ka magang serentak sekali. Sekali tu nguji mega ngerintai ka sekeda berita ti patut amat di kunsi enggau bala temuai ti bisi mansa, berita ti tau amat negut ka kaul kitai di Sarawak enggau kaban kitai ti sebansa ba Kalimantan.

1. Puteri Bapak Adrianus Kawin di Ngabang

Pengawa nyau berepak bepambak, enggai nyadi ga enda ngulu pengawa anak Bapak Adrianus kawin ba Ngabang kena 23/11/2013.

Ke bendar enda nyamai ngelebu pangan diri enti kena kangau maya pengawa ti besai baka nya. Nasib ga bala kaban siku-dua bisi ga sanggup limpang, Narang Ringkai seduai Stephen.

Keluarga Bapak Adrianus bersama pasangan pengantin selepas selesai acara di gereja Ngabang

Bapak Supendi, Sekjen Dewan Adat Dayak Ngabang

Bapak dan Ibu Mertinus sereta Yohanes Ngalai di depan Hanura Hotel Ngabang

2. Temuai Perhimpunan Perempuan Dayak Sintang (PPDS (22 Nov 2013)

SDNU berasai temegah nerima penemuai 54 kaban PPDS kena 22/11/2013 ti betuai ka Ibu Yustina Abeng. SDNU nerima penemuai sida nya ngena pengerami makai malam ba Christian Ecumenical Center.

Kira 69 iti meja dijual ngagai semua kaban sereta bala ti nyukung pengawa SDNU negut ka kaul kitai di Sarawak enggau kaban kitai ti datai ari Kalimantan.

Meja di jual enggau rega ti patut, kebuah aku nyebut tu laban sekeda bala kitai balat amat saru betenah ka SDNU balat bebuai/bebasau ka duit ba pengerami makai. Aku arap ka bala ti ngembuan penemu nya, tau meh nguji ngulu pengerami makai nya, kena ngabas sekali ka pemakai nya FREE tauka BEBAYAR. Enti iya makai free, tentu ga bisi kaban bukai baka ti kena PAU mayar ke iya !!!! Anang meh SARU PENEMU BALA KABAN ti balat amat ngaga petenah nya.

Berita ayan ba Borneo Post 24/11/2013

Ngelalu ka penatai temuai ba Merdeka Palace Hotel

Ketuai Temuai, Ibu Yastina (Isteri Ketua Dewan Adat Dayak Sintang Bapak Mikael Abeng) nerima tanda pengingat ari Tan Sri William Mawan Menteri Pembangunan Soasial Sarawak ti mega President SDNU

Raban PPDS nemuai ngagai Dayak Cultural Foundation ba Wisma Tun Jugah

3. Gawai ba Sanggau

SDNU berasai temegah amat laban ti majak di kelala Gerempung Dayak di Kalimantan. Beduduk ari kaul SDNU enggau gerempung Dayak nya manah, nya alai sekali agi SDNU dibasa lalu di kangau ngabang Gawai ba Sanggau kena 7/7/2013.

Kira 39 raban SDNU ti datai ari seluruh Sarawak bisi ngulu pengawa ngabang ke Sanggau. Raban SDNU mega di sempulang pemesai kitai Dayak di Sarawak, YB Datuk Joseph Entulu seduai YBhg. Puan Sri Julia Mawan sereta bala pemesai bukai baka Tuan DO, Pemesai Opis Perintah, Pemanca, Penghulu enggau bala Counsilor.

Udah tembu pengerami Gawai di Sanggau raban SDNU lalu nerus ka pejalai nemuai ke Pontianak kena 8/7/2013 lalu nemuai ngagai sekeda endur ti tau ngelantang ka ati kelimpah ari sekeda bala ti "shopping".

Bala mayuh mulai ka diri ke Kuching kena 9/7/2013 tang sekeda nerus ka pejalai nemuai ngagai Sintang ngulu ka raban YB Datuk Joseph Mauh, YBhg. Puan Sri Julia Mawan, Pemanca Robert Bata sereta Tuan DO Pakan, En. Enting Nyami.

Ba Sintang raban SDNU sempat nemuai meri basa ngagai Bupati Bapak Drs. Milton Crosby kena lemai 9/7/2013. Pagi 10/7/2013, raban SDNU di bai nemuai ngagai rumah panjai Ensait Panjang, alai orang indu balat amat ngembuan pengawa betenun.

Ba Sintang raban SDNU mega di bai nemuai ngagai Istana lama Sultan, Museum enggau Pusat Temuai Gereja Bukit Kelam sebedau mupuk mulai ka diri ke Sekadau lalu bemalam baru ba Sanggau.

Bala Pemesai Dayak enggau bala Temuai (Undangan)

Bupati Sanggau begambar enggau Tuai-Tuai Adat Dayak

Ketua Umum Dewan Adat Dayak Sanggau, Bapak Andeng serta YB Datuk Joseph Mauh di sambut basa enggau ai tuak

Bapak Bupati Sanggau mangkung tawak kena nanda ka Gawai Sanggau belabuh dipenyadi

Bupati Sintang Bapak Dr Milton Crosby nerima penemuai SDNU ti di gulu YB Datuk Joseph Mauh seduai YBhg. Puan Sri Julia Mawan

Nerima berita ari Bupati senentang mayuh bengkah bungai Pua Kumbu udah di PATTERN

Temuai SDNU mega sempat ngetu ba Museum Kapuas Raya di Sintang

Rumah panjai ti begaga ka Pua Kumbu enggau utai tenun bukai ba Ensait Panjai Sintang

En. Inting Nyami DO Pakan benung milih bungai Pua Kumbu

Sekeda raban SDNU ba Tugu Khatulistiwa Pontianak

cda

Enda berasai nyambut taun baru, bisi ga bala kaban baru, nyenguk mansa. Bala kaban belayan ti semak enda ibuh kira, sigi bisi mansa, sigi bisi nemuai laban agi ingat ka kitai ti selalu mega nemuai lebuh ti mansa alai sida.

Sekali tu, asai ti betuah ga bala anak, laban nerima penemuai dua iku nembiak ti benung belajar ba Medical Faculty Osaka University Japan, Sho San enggau Matosa San tang maya nya bisi kira tiga minggu ba Medical Faculty Unimas.

Sebedau seduai ia mulai ka diri ke Jipun, kami menyanak mai seduai iya serumpu ba Tanju ti nyedia ka pemakai asal kitai Dayak - pansuh manuk, pansuh ngut, pansuh ikan, tunu ngut, kasam ikan, upa nyur, tinduh/mantal, kemiding, daun ubi/empasa kelimpah ari ensepi tuak.

Bisi datai mega kaban lama ti sama gawa ba State Planning Unit, Mr & Mrs Kazuhiko Morioka ti udah di Sarawak kenyau ari taun 2005, seiku ari JICA Officer tang diatu iya nyadi Consultant ka siti ari Company menua kitai ditu bepalan di Kuching.

Bala kamimenyanak mega ngagai ka diri amat betuah, nerima penemuai Pastor/Padri Petrus Di Vincenzo ari menua Italy tang iya udah bejalai ka pengawa mission di Kalimantan Barat lebih 40 taun, diatu iya di Sekadau enda berapa jauh ari menua Sanggau.

Terima kasih Bapak Petrus kerana sudi berkunjung, dan saya doakan agar Bapak akan mendapat keberkatan dan kesihatan badan yang berterusan.

Sebedau taun apus, kami menyanak mega nerima penemuai kaban ari Pontianak, keluarga Bapak Thadeus Yus seduai Ibu Katherina Lies ti mansa Kuching dalam pejalai sida iya cuti ujung taun ke Singapore kena 27/12/2013.

Sida menyanak mega nyau asai ka diri sebilik kenyau ari taun 2006 suba. Bala anak endang semampai betanya ka berita ari pangan diri ngena SMS, Facebook enggau WeChat kenyau ari mula bekelala 2006 suba sampai ka diatu.

Terima kasih Bapak Thadeus dan semua ahli keluarga kerana sudi berkunjung dan singgah semasa dalam perjalanan ke Singapura. Semoga semangat kekeluargaan kita akan berterusan sepanjang masa.

Terima KASIH Tanju, udah nyedia ka pemakai asal kitai Dayak Iban, Dayak Bidayuh enggau Dayak Melanau - awak ka nyadi pengingat seumur idup, dua nembiak medical, Osaka University Jipun ti enda lama belajar ba Medical Faculty, UNIMAS

Sho San enggau Matosa San segulai enggau Enduq ba Osaka University, maya di Sarawak udah nyadi kaban bala anak, nya alai seduai balat amat ngasai ka diri nerima basa ari bala anak lalu ngerampit apai indai

Kaban lama ari Jipun ti udah di Sarawak kenyau ari 2005, Mr & Mrs Kazuhito Morioka, sama di kangau serumpu makan malam begulai enggau Sho San enggau Matosa San

Enduq, Watt, Ujang sereta Ayos begulai Pastor Petrus Di Vincenzo ari menua Italy tang bejalai ka pengawa mission lebih 40 taun di Kalimantan Barat, diatu ba Sekadau. Ia nemuai ke Kuching ari 8-9/1/2014 lalu di sadang nemuai baru ari 6-9/5/2014 ila.

Bersama keluarga Bapak Thadeus Yus dari Pontianak sebelum menuju ke Airport Kuching untuk ke Singapore pada 27/12/2013

Ayos, Ujang & Enduq bersama Ibu Katherina Lies, cucu-cucu dan menantu

cda

Sekeda pengawa bala anak di rumah, taja pan kena bemain diri tang utai tu tau mai pemanah ngagai sida iya empu - ngepun ka penyiru sida iya ngagai semua utai tupi enggau siru ngagai semua utai idup. Kelimpah ari nya, pengawa sida iya ti bemain baka tu mega tau meri latih ngagai jelu ti di tupi lalu nyadi ka ayam sida iya.

Ujang neleba ka rabit enda rawan ati nepan wheel barrow enggau bejalai di luar ikat tali rekung

Ayos ngulu ka anak ukoi anang berebut ka pemakai

Maya bebagi ka pemakai, Chapan (indu - belakang) selalu ngalah ka diri ari menyadi lelaki ia, Pulau (mua)

Bala burung mega ulih di latih ari biak enda berebut maya nepan, makai enggau mandi

cda

Bebagi ka jam kena bejegau kin kia endang bisi pemedis enggau bisi pengerugi. Ngarap ka penguntung enda sigi nadai jalai.

Taja pia pemerti ati diri sebilik chukup amat beguna ka kitai ti ngereja pengawa ti baka tu. Enti di tanya endang jarang amat ga orang ti deka kiruh ke ulu ke ili tang nasib amat ga bisi kaling sanggup betitih lalu bebai kin kia. Puji sereta terima kasih ngagai Tuhan laban ti udah ngatur semua utai ti nyadi enggau nadai penusah sereta penanggul besai.

1. Makai Malam Di Saratok

Kami sebuat nasib betemu enggau Tuan Kunsil maya ti ngulu pengerami makan malam, ti di atur di Saratok kena 2.3.2014. Sempat ga berandau enggau Tuan Kunsil kena mulai pengingat maya sama gawa ba taun 2004-2007 suba.

Publicity Officer SDNU Mr Ganchai Jinta seduai SAO Saratok Mr Laga Kueh

2. Aum SIDS

Semua pampang SIDS (Bahagian Wanita SDNU) bisi datai ngulu Aum 2 taun sekali di Kuching kena 15.3.2014. Nasib mega bisi peluang nunga aum sida nya ba Pen View Hotel ari pagi sampai lemai.

YBhg Dato Sri Empiang, Pengerusi SIDS diatu serta Pengerusi lama SIDS

Ir Alice Jawan sereta bala SIDS Sibu begulai enggau Pengerusi SIDS Dato Sri Empiang

YBhg Dato Temenggong James Jimbun enggau bala SEC SDNU

Seiku kaban SIDS ari Sibu begambar enggau Pengerusi SIDS YBhg. Dato Sri Empiang

sida 3 tu "ngipa bilun" ba Jln Batu Kawa pulai ke Sibu

3. Jabatan Perdana Menteri/SPA Roadshow di Kapit

Tu nampung pengawa ti udah di kerja kenyau 15/11/2012 suba. SDNU udah ngatur 13 kali Roadshow enggau SPA di kena mantu bala nembiak Dayak di luar bandar.

Tuju pengawa sdnu tu chukup amat terang laban di kena mantu nembiak ngerejista ba database SPA. Nitih ka penerang ari SPA semina nembiak ke bisi rejista aja di kangau interview ENTI bisi vacencies ba semua opis perintah FEDERAL.

Timbalan Pengerusi SPA meri penerang kena 7/3/2014 madah ka pengawa SPA/SDNU Roadshow tu udah mujur ngerista lebih 108,000 nembiak kena 31/12/2013 di banding enggau 44,243 (31/12/2012) sereta kurang ari 25,000 sebedau berita Roadshow di atur lalu di kemesai seluruh Sarawak.

Roadshow di Kapit sekali tu di atur Jabatan Perdana Menteri ti di pegai YB Datuk Joseph Entulu Belaun. Mayuh mega Ajensi perintah datai tang sayau mimit laban nembiak ti ngulu pengawa sehari nya enda lebih ari 150 nitih ka rekod ari SPA.

Penanggul nya nyadi setegal ari segi publicity ukai nuju nembiak (peda fish tail ti di gantung ba wharf Express Kapit). Asai sepi aku nya meh hasil ia, enti kitai kurang bebasa enggau betanya ka penemu ari pangan diri. Sinu ga ninga berita bala ari Kapit ti bisi nanya ka kuing utai tang enda di peduli, kitai deka mantu mega enda di peduli kaban ti mangku pengawa tinggi di Kuala Lumpur. Asai sepi aku, kada enda manggai RM100,000 kos semua ajensi perintah ari Kuala Lumpur, Kuching enggau Sibu ti datai ngatur pengawa sehari nya.

Berita enda nyentuk

Rekod SPA madah ka enda lebih ari 150 nembiak datai rejista pagi 7/3/2014

Sekeda ari pameran ari Opis Pengerai

Pameran ari Institute Pertanian Semengok Kuching

Sebedau mupuk ke Sibu, ngetu enda lama ba rumah kaban

cda

Selamat Gawai Dayak,

Pesan tu dituju ngagai semua ti jauh enggau semak, arap ka semua kitai sama lantang senang maya Gawai enggau udah ngelebus Gawai.

Kitai mega sama besampi ka semua kitai, awak ka sama likun magang maya ti mulai ka diri ke rumah panjai enggau maya ti mulai ka diri ngagai alai pendiau kediatu. Sama bejaga ba jalai raya enggau sama bejaga ba Express enggau ba perau panjai kena kitai nagang sebarang penusah ti nyadi.

Bala sekeda engka nyamai Gawai tu ila laban nadai ngira pengawa nangkan ka nya, tang sekeda bala kaban udah tentu enda jenak tinduk laban bisi program tauka tanggung jawap ti berat udah nganti di panggai ngagai tanah bau sida, nitih ka berita di baruh nya.

Taja pia, enggau pengandal ati mega ngagai sida tu laban ti di pinta mantu ngiga jalai mutar ka sekeda penusah enggau penanggul di menua Sarawak.

Terima kasih meh ngagai Majlis Professor Negara enggau Jabatan Perdana Menteri Malaysia laban ti enda belampung ati ngiga jalai mantu bala anak bansa Dayak lebih agi diatu musim Gawai.

Ba penemu aku, tu sekeda penanggul/masalah ti nuntung kitai Dayak:-

1. Promotion/Ketua Jabatan Kerajaan (State/Federal) - Pegawai Dayak nadai diberi peluang megai important Dept/Post (Pengarah/Permanent Secretary/Pegawai Tentera/Police Commissioner/dll

2. Gawa Perintah (State/Federal) - anak Dayak nadai diberi peluang/kelonggaran baka ba Polis/Pembantu Perubatan/Jururawat/Pegawai Pendidikan/Guru sekolah/Guru pelatih/pegawai kastam/pegawai imigresen/kerani dll

3. Belajar/Scholarship dalam dan luar negara - anak Dayak mega enda mayuh diberi peluang ba UNIMAS/UITM/UPM/Maktab

4. Perlantikan ke badan berkanun/GLC - mimit/nadai pegawai Dayak di padu baka ba STIDC/SEDC/LCDA/ASSAR/BDC/CMM/Lembaga2/Yayasan/Petronas/Telekom dll

5. Peluang Dayak ba Dagang/Contract/Tender - nama runding bala mayuh?

Kelimpah ari points di atas, enti bisi points/penemu bukai/cadangan tau SMS/mantu kaban kitai 017-8051080

Maklumat

Perbincangan Meja Bulat (RTD) Sarawak II: Pemantapan Pembangunan Sarawak

Tarikh : 11-12 Jun 2014 @ 8.00 am - 5.00 pm

Tempat : Hotel Grand Continental Kuching

* Majlis Profesor Negara diberi mandat oleh YAB Perdana Menteri Malaysia membantu mengenalpasti permasalahan yang berlaku di kalangan rakyat di Negeri Sarawak serta mencari kaedah terbaik untuk menanganii atau penyelesaian masalah tersebut.

* Perbincangan Meja Bulat diketuai oleh YBhg. Prof. Dr. Jayum Jawan, Timbalan Ketua Kluster Politik, Keselamatan dan Hal Ehwal Antarabangsa.

* Senarai Resource Persons dari kalangan orang Dayak dari Universiti/Kumpulan Ugama/NGO/dll

cda

"Tabi sereta basa semua, minta ampun, berita tu laun di pos taja iya udah nyadi dalam bulan Gawai suba"

Randau Majlis Professor Negara enggau NGO Dayak udah di atur ba seiti Hotel di Kuching kena 11-12/6/2014 tu tadi.

Mayuh bala kaban Majlis Professor Negara ari semua Universiti ti dalam mayuh bidang baka Pelajar, Sains, Ekonomi, Sosial, Politik, Kebudayaan, Agriculture & Ugama bisi datai begulai enggau bala pengari NGO Dayak bekunsi ka penemu enggau peneleba.

Nitih ka Professor Dr. Jayum Jawan enggau Pengerusi Majlis Professor Negara, tuju randau nya di atur laban deka di kena YAB Datuk Seri Abdul Najib Tun Razak, Perdana Menteri Malaysia nyidi & mansik ari NGO Dayak sekeda penganggul enggau penusah ti tau di putar nitih ka penemu bala ti ukai dalam politik enggau ukai ari opis perintah.

Terima kasih ngagai Majlis Professor Negara laban ti meri peluang SDNU ngenatai ka sekeda serabana ti balat amat nuntung bansa Dayak.

Kitai mega ngarap ka pekara ti udah di kerandau nya enda semina di lengka ka naka nya aja tang di pasuk ka ngagai Pelan Pembangunan Luar Bandar, Pelan Pembangunan Pendidikan Kebangsaan enggau Pelan Pembangunan Ekonomi Rakyat secara menyeluruh.

SDNU bisi ngenatai ka mayuh issues sereta jalai mutar di kena ngangkat ka pendiau pengidup Dayak ba menua pesisir

Sekeda pekara ti di bantai SDNU ngagai Majlis Professor Negara

Prof. Dr. Jayum Jawan, Anthony Banyan, Ir. Alice Jawan, Pn. Rita Insor, En. Ganchai Jinta & En. Lade Kulong

En. Stanley Bai, Anthony Banyan, Prof. Dr. Jayum, Bishop Aries Sumping Jingan, Mr. XXX & Prof. Dr. Japar S Bujang

cda

Raban Komiti Besai betuai ka President SDNU Tan Sri William Mawan Ikom ti lalu nyadi Menteri Kanan enggau Menteri Pembangunan Sosial Sarawak, udah meri basa nemuai ngagai Kepala Menteri Sarawak kena lemai 12.6.2014.

Penemuai nya, mandang ka pengaga enggau sukung SDNU ngagai Tan Sri Adenan Satem ti baru di padu ka nyadi Kepala Menteri Sarawak beduduk ari Pehin Sri Taib ngemadu ka diri sebedau di padu nyadi Governor Sarawak.

Rambau penemuai nya, mayuh pekara sempat di kerandau enggau kepala Menteri, sekeda jalai di kena SDNU bebantu ngangkat ka pendiau pengidup bala Dayak nitih ka singkang pemansang bansa bukai.

Raban Komiti Besai SDNU

Kepala Menteri Sarawak Tan Sri Adenan Satem nerima penatai raban Komiti Besai SDNU betuai ka President SDNU Tan Sri William Mawan

Raban Komiti SDNU sebedau betemu enggau Kepala Menteri Sarawak

Sekeda raban Komiti Besasai SDNU

Berita ayan ba Borneo Post 13/6/2014

Berita ayan ba Utusan Borneo 13/6/2014

cda

Kenyau ari 30 October 2012, SDNU enggau naka pemendar mantu bala anak Dayak lebih agi sida ti datai ari luar bandar di pasuk ka nama dalam database SPA, ngicha ka bisi peluang di kangau ka interview maya pengawa bisi puang ba opis perintah ti di jaga SPA.

Puji Tuhan, laban Pengerusi SPA Malaysia YBhg. Tan Sri Mahmood Adam nemu sereta ngelala penusah ti di tuntung nembiak Dayak ba menua pesisir.

Beduduk ari nya, Tan Sri Mahmood Adam nerima penemu sereta langgur SDNU ti minta SPA nemuai ngagai menua pesisir ngerista nembiak ngena Roadshow, gerah tauka pesan radio. Kenyau ari bulan nya mega SPA udah ngada ka roadshow enda kurang ari 25 kali seluruh Sarawak. Pengawa tu deka ditampung baru sebarang maya nitih ka peminta ari pampang SDNU empu.

Menteri Kanan enggau Menteri Pembangunan Sosial Sarawak Tan Sri William Mawan President SDNU nerima penemuai YBhg. Tan Sri Mahmood Adam Pengerusi Suruhanjaya Perkhidmatan Awam Malaysia (SPA) pagi 23/6/2014 serambau enggau pengawa meeting SPA & NGO Dayak

Pengerusi SPA Malaysia YBhg. Tan Sri Mahmood Adam begambar enggau sekeda Ahli Jawatankuasa NGO Dayak

Berita ayan ba Borneo Post 2/7/2014

Berita ayan ba Utusan Borneo 3/7/2014

Berita ayan ba Borneo Post 18/12/2012

Sekeda berita ari SDNU ti ayan ba Utusan Borneo 17/12/2012

Berita ari SDNU ayan ba Borneo Post 25/12/2012

Berita tu ukai ari SDNU, ayan ba Utusan Borneo 5/11/2012

cda

Bulan ti pengambis gaga ati ba tubuh ti nyadi Apai enggau Indai sereta diri sebilik, sema jaku baka ti nganti indai pulai ari umai laban ti deka meda sekeda ayam di gumpul ari babas maya agi mit kelia. Lebih kurang baka nya mega nganti bulan sebelas tu tadi.

Terubah berita manah, nerima surat ari UNIMAS, madah ka anak ti terubah Enduq pass, surat kedua, madah ka ia di kangau interview SPA sereta nerima tawaran lalu kursus seminggu di Port Dickson, lalu surat ketiga madah ka ia layak Convo taun 2014 kena 2/11/2014.

Nangkan ka nya, agi belala, tudah anak ti kedua Watt bejegau ba Johor Baru lalu deka raun ke Singapore kenu ko runding tudah, tang enda mukai-mukai di ansak mulai ka diri ke Kuching laban bisi interview terbuka sida INSTEP PETRONAS. Begaut ga pulai ke Kuching malamnya.

Pagi siti tumu, nurun mega tudah interview ba Merdeka Palace Hotel, tak changuk-changuk nganti sebedau jam 8 pagi seiku-iku. Engka mensia bisi ati sinu ka ia, taja result bedau pansut maya interview, kira mujur ga pejalai tudah iya pagi nya.

Kira dua minggu udah nya, tudah nerima SMS minta nyedia ka diri medical check up ba Hospital Normah lalu anjung result/transkrip sebedau INSTEP ulih meri tawaran. Dua minggu udah nya bedau ga transkrip datai, INSTEP udah ga meri tawaran lalu ngasuh lapor diri ngaggai INSTEP Petronas Trengganu.

Terima kasih sereta Puji Tuhan. Surat pengaga di terima tudah, madah ka iya deka Konvo ba Putrajaya International Conference Centre (PICC) kena 12/11/2014.

Berita ketiga ba anak ti ke tiga Anggat, nerima mega surat madah ka ia pass ba final exam lalu madah ka ia layak Konvo kena 2/11/2014 ba Putera World Trade Centre (PWTC) Kuala Lumpur. Anggat enda kelalu gagit deka Konvo laban ia udah ngaga pemutus deka nampung belajar ngagai ke tinggi agi, tambah mega laban ia deka sama gaga ka tudah Enduq konvo ba UNIMAS ba hari ti sama.

Makai malam enggau ati ti andal di sadang nerima insentif pelajar ari Saribas Kelab, tang enda mukai-mukai nadai seiku ari 4 iku anak ti layak nerima insentif pelajar sekula.

Konvokesyen Enduq Cherrysca Dante (2/11/2014)